Монголд парламентийн сонгууль зарлагдаад албан ёсны сурталчилгааны үе ид явагдаж байна. Энэ жил нам, эвсэл болон биеэ даагч гээд нийтдээ 606 нэр дэвшигчид 76 суудлын төлөө унтах нойроо умартан, жинхэнэ "үзэж тарж, үсэрч наалдан" байна. Сонгуулийн сурталчилгааны агуулга дагаад сошиал медиагаар сонгогчид тэднээс дутахгүй "буцлаж" ажээ. Энд маш өвөрмөц нэгэн зүйл болж буй нь гадаадаас гурван өрсөлдөгч нэр дэвшээд хамаг сурталчилгаагаа онлайнаар хийж буй. Хавтгай гэж нэрлэгдэх болсон манай дэлхийн, технологи хөгжсөн өнөө цагийн онцлог мөн тул гадаадаас нэр дэвшигч, Швед улсад оршин суугаа Ц.Нандинбаатартай Цахим өртөөний тэргүүн Д.Цэрэнбат ИБИНВУ-с ярилцсаныг толилуулая.