Top Stories

Grid List

Гадаа сэрүүн хүйтэн болохоор гадаа суух боломжгүй дотор цугларч бөөгнөрөл үүссэнээс агаарын солилцоо гадаа задгай талбайнхтай адил биш агаарын солилцоонд муугаар нөлөөлөх тул халдвар авах эрсдэл улам нэмэгдэнэ гэсэн үг.

Нуурын сэрүүн таатай уур амьсгал, цастай, бороотой, нартай, хуртай жилийн дөрвөн улиралтай Чикаго хот эх нутгийн цагийн өнгийг эрхгүй санагдуулдаг. Олон үндэстэн ястан хамтаар амьдардаг Чикаго хот орчимд одоогоор 10.000 гаруй монголчууд ажиллаж амьдарч байна. Эдгээр Монголчуудыг нэгтгэх, хамтын хүчээр нийгмийн олон ажил зохион байгуулах, нутаг нэгтэндээ тус дэм болох зорилгоор байгуулагдсан Монголчуудын нэгдэл, төв холбоод энд нэгээр зогсохгүй. Өдгөө байгуулагдаад 18 жилийн нүүр үзэж буй Чикаго хот дахь “American Mongolian Association”-ы тэргүүн Б.Цэрэнбаттай цаг үеийн асуудлаар ярилцлаа.

АНУ-д өнөөдөр Жьюнтийнф (Juneteenth) гээч амралтын өдөр гэж байгаа. Орон даяар тэмдэглэдэг амралт арай биш. Гэхдээ жилээс жилд тэмдэглэх муж улсууд, бизнес компаниудын тоо өсөж ажилтнуудаа цалинтай амраах болжээ. Энэ амралтын өдрийн нэр нь онцлог, юунд зориулагдсан нь бүр тэмдэглүүштэй.

Шарын тухай дахиж бичих хэрэггүй боллоо гээд баяртай байсан. Сарын дотор түүнийг болон өөрийнхөө хувийн эрх ашгийн төлөө ЗГ-т худлаа хэлсэн, хор хохирол учруулсан гэмт хэрэгтнүүд, өөрийн хүргэний аав, бүр Афганистанд энгийн гэр бүл, хүүхэд эмэгтэйчүүлийг буудаж алсан цэргийн гэмт хэрэгтэн зэрэг хүмүүст өршөөл үзүүлсэн. Тэгснээ өөрийг нь дэмждэг хэд хэдэн хүнийг медалиар шагнав. Түүнийг ялагдсанаасаа хойш өдөр бүр л сонгуулийн систем хулхи, түүнээс биш ялагдаагүй талаар өдөр бүр гомдоллож, дэмжигчдээсээ мөнгө цуглуулж, үймээн самуунд уриалан дуудаж, Бүгд намын гишүүд, мужийн захирагч уруу утастаж, тулгаж (утсаар өөрийн төлөө өгсөн санал нэмж ол гэж шаардсан бичлэг нь тарсан) сүрдүүлж байх хооронд Америк улс хамгийн их тоогоор ковидод хүнээ алдаж байлаа.

Вакцин Британид таригдаад эхэлсэн. Америк 2 дахийнхаа зөвшөөрлийг өгөх гэж байх шиг байна. WSJ өнөөдрийн сонинд бичсэнээр Pfizer вакцин нь эхний тарилтаар дархлаа 52%, 2 дахь тарилтаар 95%-тай тогтож байгаа гэжээ. Дархлаа тогтож байгаа байдлыг нас, арьс үндэстнээр нь харахад цагаануудад 95%, хар арьстнуудад 100, Ази, номхон далайн гаралтайнуудад 89%, 55 дээш насныханд 94%, эрүүл мэндийн асуудалтай хүмүүст 95% -ийн үр дүнтэй ажиллаж байна. За болж дээ. Хамгийн хүнд тусч байгаа нь Харууд латинонууд байгаа юм.

Номхон далайн баруун хойд хэсгийн Coho salmon загас Seattle ойролцоох хэсэгт ирэхээрээ л шуурга болонгуут л олноор үхчхээд байдгийг эрдэмтэд судалж учрыг нь олжээ. Судалгааны дүн нь Science сэтгүүлд энэ 4 дэхэд хэвлэгджээ.

АНУ-ын шинээр сонгогдсон ерөнхийлөгчийн тангараг өргөх ёслолын ажиллагаа 2021 оны 1 дүгээр сарын 20-нд болохтой холбогдуулан энэ 7 хоногийн сүүлээс эхлэн АНУ-ын нийт мужийн нийслэл хотуудад олон нийтийг хамарсан эсэргүүцлийн цуглаан болж болзошгүй байгааг суугаа орны хэвлэл мэдээллээр анхааруулж байна.

За манайхаан. Та бүгдийн сэтгэлийн хандив чинь айлуудад хүнсний тусламж болон очихоос гадна энд ирээд орон байргүй гацсан 6 нутаг нэгтнийг маань 1 сар байртай болголоо шүү. Байр хямдруулж өгсөн Ментора коллежийн Амгалан дүүд их баярлалаа.

Гадаадад гацсан монголчууд үнэхээр үйлээ үзэж байна. Гомдол гаргахгүй, төр засагтаа дараа болохгүй гэж хичээсэн нь олон. Сонгуульд нь гай болох вий гэж дуугаа хураасан хүнийг ч би мэднэ. Сонгууль дууслаа, наадмаа ч хийчихлээ, ихэс дээдэс маань сайхан баярлалаа, одоо нөгөө муу хэдээ авах уу? Үгүй л бололтой. Ганц гай нь өвчин чирээд ирвэл орон нутгийн сонгууль гээчид нь бас нөлөөлөх юм даг уу даа.

Сурталчилгаа
Шинэ мэдээлэл имэйлээр хүлээн авах манай төлбөргүй үйлчилгээг захиална уу