АНУ-ын Өвчний Хяналтын Газар /CDC / болон Хүнс ба Эмийн хороо /FDA/ 2021 оны 4-р сарын 13-ны өдөр мэдэгдэл хийж, АНУ-д хэрэглэгдэж байсан Johnson & Johnson's Janssen COVID-19 вакциныг түр зогсоохыг зөвлөжээ. АНУ-д J & J / Janssen COVID-19 вакцины 7 сая шахам тун тарилга хийсэн байна. Уг вакцинд одоогоор хоёр дахь тун гэж байхгүй ердөө нэг тун хийдэг онцлогтой. J & J / Janssen COVID-19 вакцин хийлгэсний дараа хүнд хэлбэрийн цусны бүлэгнэлтийн шинж тэмдэг цөөн тооны хүмүүст илэрчээ. Дээрх шинж тэмдэг илэрсэн тохиолдууд 18-48 насны эмэгтэйчүүдийн дунд гарсан бөгөөд вакцин хийлгэснээс хойш 6-13 хоногийн дараа өвчний шинж тэмдэг илэрсэн байна. Энэ шалтгааны улмаас Johnson & Johnson's Janssen COVID-19 вакциныг түр зогсоогоод байна. Одоогоор АНУ-д Pfizer-BioNTech, Moderna гэсэн хоёр төрлийн вакцины 180 гаруй сая тун иргэдэд тарьснаас ямар нэгэн гаж нөлөө, эрсдэл дагуулсан тайлан мэдээ ирээгүй гэж АНУ-ын Өвчний Хяналтын Газар /CDC / мэдээлжээ.
Johnson & Johnson's Janssen COVID-19 вакциныг хийлгэсэн хүмүүст:
- Толгой хүчтэй өвдөх
- Нуруу өвдөх,
- Мэдрэл дагаж өвдөх
- Хэвлийгээр хүчтэй өвдөх
- Амьсгал давчдах
- Хөл хавагнах
- Арьсан дээр жижиг улаан тууралт гарах
- Жижиг хэмжээний хөх няц бий болох
Эдгээр шинж тэмдэг илэрвэл яаралтай түргэн тусламжын төвд хандахыг сануулжээ.
https://www.cdc.gov/coronavirus/2019-ncov/vaccines/safety/JJUpdate.html?s_cid=10930
Johnson & Johnson's Janssen COVID-19 вакциныг түр зогсоолоо
Typography
- Smaller Small Medium Big Bigger
- Default Helvetica Segoe Georgia Times
- Reading Mode