Ойрын үед нэг л сонин, ихэнх постууд маань ЖДҮ-тэй холбоотой мэдээлэл болоод байхын. Эдийн засгийн гол хөдөлгүүр нь яах аргагүй ЖДҮ-чид. Тэд зогсвол эдийн засаг удааширна, муудна. Шийдвэр гаргагчид, тахлын нөлөөнд өртсөн эдийн засгаа аврах, олон айл өрхийг аврах гол арга нь ЖДҮ-гээ дэмжин, туслах! Нэг сумаар 2 туулай аврах!

Цар тахал хамгийн хүндээр тусч байгаа жижиг бизнес эрхлэгч нарт улсаас, мужаас төрөл бүрийн тусламжуудыг үзүүлсээр байгаа билээ. Дараагийн ээлжийн тусламжууд мөн жижиг бизнес рүү чиглэгдсэн, удахгүй батлагдах байхаа.

Өмнөд СА-н Эдийн засгийн чуулга уулзалт өчигдөр амжилттай болж өнгөрлөө. Гол хэлэлцсэн асуудал: Эдийн засгаа сэргээх!!. Ямар ч байсан сэргэх чиглэл рүү хандсан байна.

Цар тахал биднийг дайрч байгаа ч ( Southern California) эдийн засаг 5 сараас эхлэн эерэг зүг рүү эргэлээ. Ажилгүйдэл биднийг тойроогүй, 5- сард хамгийн өндөр 18 хувьд хүрч, 9 сард 12.7% болж буурлаа. Хатуу хөл хорио нь аялал зуучлал, зочид буудал, үйлчилгээний салбар, хүнсний бус худалдааны салбаруудад хамгийн хүнд цохилт болсон байна.

Мужийн өмнөд (Los Angeles орчим) болон төв бүсийн ихэнх хэсэгт амбан захирагч Newsom-н хориг хэрэгжиж эхэллээ. Эдгээр бүсүүдэд орших хотуудын эмнэлэг (сэхээн амьдруулах тасгийн ICU) - орны хүрэлцээ муу болсон гэсэн үг.

San Francisco Bay Area-n 5 коунти сайн дураар , эмнэлгийн орны багтаамжийн шаардлагыг хүлээхгүйгээр хөл хориог хэрэгжүүлж эхэлсэн байна.

Ажил эрхлэгчдийн тоо, ажилгүйдлийн хувь маш олон салбарт нөлөөлдөг, маш олон шийдвэр/бодлогыг гаргах, өөрчлөхөд хэрэглэдэг. Хамгийн том шууд нөлөө нь эдийн засаг, тээврийн салбарт шууд илэрдэг. Дагаад бусад салбарууд...

CA өмнөд бүс нутаг 6 коунти-тай. 2020 оны ажилгүйдлийн түвшнийг харуулжээ. Оны эхэнд ажилгүйдлийн хэмжээ маш бага, авдартаа зөндөө мөнгөтэй, эдийн засгаар тэргүүлж байлаа. 3-р сард улсын хэмжээнд хатуу хөл хорио тогтоосны улмаас ажилгүйдэл өсөж, эдийн засаг доош унасан.5- р сард хөл хорио суларч хүмүүс ажилдаа буцан орж ажилгүйдлийн түвшин багассан ч коронагийн өмнөх хэмжээнд арай л хүрээгүй байна. Гэхдээ 3 сарынх шиг нам хаагаагүй болохоор гайгүй байх л гэж.

Коунти-гаар нь харвал Imperial, LA, Riverside коунти-нууд ажилгүйдэл ихтэй, Ventura, Orange коунтинууд хамгийн багатай байна. LA county хүн ам хамгийн ихтэй, цагаач иргэд олноор амьдардаг. Ventura коунти - өрхийн орлого ихтэй, бас боловсрол өндөртэй иргэд, цагаан арьст, өндөр настай иргэд ихээр амьдардаг. Боловсрол өндөртэй иргэд гэрээс ажиллах боломжтой ажил эрхэлдэг болохоор КОВИД-н хохирол, нөлөө харьцангуй бага. Биеийн хүчний ажил эрхэлдэг, тогтсон биш цагийн ажил хийдэг иргэдийн амьдрал маш хүнд болж байна. Энэ нөлөөг амсаж байгаа аав,ээжүүд, хүүхдүүд боловсролын чухлыг ойлгож байна.

Өнгөрсөн шөнө болсон халц мэтгэлцээн , удахгүй болох сонгууль, корона вирус, дээд шүүхийн шүүгчийн томилгоо сэдвүүд сүүлийн үед олны анхаарлын төвд байсаар байна.

CNN’s Daniel Dale: Худал хэлэхийн хувьд Trump эхний мэтгэлцээнээс муу байлаа. Худал зүйлс дэндүү их байлаа гэв. Тэрээр Trump-н факт шалгагч гэдгээрээ алдартай.