Сонин дээрээс энэ хүүгийн талаар уншчихаад видеог нь олж харлаа. Багш нь энэ бичлэгийг онлайнд тавьж, үүнийг Оскарын шагналт, Нигерээс гаралтай жүжигчин Viola шэйр хийснээр хүү нэрд гарч American Ballet Theater аас тэтгэлэгээр суралцах болсон төдийгүй түүний Нигер дэх багшийнх нь балетийн сургуульд нь маш их хандив орж олон тооны хүүхдүүдийг нэмж сургах боломжтой болжээ.

Цаашид гэртээ өөрсдийгөө тас түгжээд суугаагүй л бол ажлаа хийх, дэлгүүр явах, гадуур алхах гэх мэт зайлшгүй үйлдлүүдийг хийх үед өвчлөх эрсдэл ямар нэг хэмжээнд байсаар байх болно. Гэхдээ бид эрсдлийг ямар хэмжээнд хүлээхэд бэлэн байна вэ гэдэг хувь хүн, гэр бүлийн шийдвэр юм даа.

Өнөөдөр Америкт долдугаар сарын 12-ны буюу “Монгол наадмын” хоёр дахь өдөр. Хэдийгээр дэлхий даяар дэгдээд буй цар тахлын улмаас уламжлалт Бэй Аэриагийн монголчуудын дэлгэр наадам энэ жил өнжсөн ч, Бэй Аэриагийн хөлбөмбөг тоглодог залуус энэ өглөө зүлэг ногоон талбайдаа хөлбөмбөгөө тоглосны дараа, монгол хүн байна даа, хөлбөмбөгчдийнхөө “Бага наадам”-аа хийж, хүчит бөхөө барилдлаа.

Ковидоос өмнө хийгдсэн судалгаагаар нийгмээс тодорхой хугацаанд тусгаарлагдан Антарктид ажилладаг судлаачдын тархины hippocampus хэсэг нь 7%-иар багассан байжээ. Харин буцаад харилцаанд ороод ирэхэд хэвийн хэмжээнд шилжиж байжээ.

Ихэнх сургуулиудын намрын хичээл онлайн, виртуал болж байгаатай холбогдуулаад аав ээж техник технологийн бага зэргийн бэлтгэл хийх шаардлагатай. Хамгийн түрүүнд интернет холболт чинь гайгүй байх, тэгээд компьютер, эсвэл хямдахнаар нь chromebook (сургуулиас хэрэглүүлэхээр өгч магад), дуу чимээ сайн багасгадаг чихэвч, тэгээд магадгүй принтер хэрэгцээтэй болно.

Хэдэн сая энэтхэг, филипин, мексик, болон бусад ядуу, хөгжиж буй орны ард иргэд эх орноо, гэр бүлээ орхин орхин гадаадад ажил хийж ард үлдсэн ар гэр, улс орноо тэтгэдэг. Үүнийг remittance мөнгө гуйвуулга гэж нэрлэдэг бөгөөд өнгөрсөн жил дэлхий хэмжээнд $554 тэрбум долларыг гадаадын ажилчид эх орон уруугаа явуулжээ. Дэлхий банкнаас мэдээлснээр энэ нь эдгээр ядуу, хөгжиж буй орнуудад орж ирдэг бүх гадаадын хөрөнгө оруулалтаас давж байгаа төдийгүй орж ирдэг гадаадын туслалцаанаас нь даруй 3 дахин их аж. Дэлхий хэмжээнд олон сая хүний, түүний дотор олон монголчуудын хоол унд, бензин тос, байр, машины зээл, боловсрол, эрүүл мэндийн үйлчилгээний төлбөрүүд үүгээр төлөгддөг.